我俩の台湾🐖 - 倒数的60日

 进入耻骨和腰部痛的阶段

耻骨都在步行时，

晚上睡觉时痛起来。

腰的部位，通常都在睡前来打招呼的。

目前走路开始缓慢下来，

脚步重重的，

身体当然都重落来，

呼吸都急促。

所以宜家动作、讲野、步伐，都需要慢落嚟。

讲话急嘅话，就会开始上气接唔到下气

仲有2个月就卸货啦~~

宜家陀B就觉得，真系好唔简单咯

又或者系我本身高龄的问题？

初初都OK嘅，嚟到8个月就开始。。。累

捻起初期唔知自己有时，真系自己吓餐饱

果时系全国进行紧行动管制令，所以都响屋企工作(WFH)

咁老公工作嘅性质系属于必须行业，依然照常要出门

果时除咗担心仲可以做乜？

咁我可以做嘅就系每朝早，早啲起身煮早餐

等佢食饱先出门，然后佢就忙完返嚟就可以食晚餐。

一日2餐都响屋企搞掂，减低在外的风险。

咁就突然好几日，我就煮完早餐就开始觉得热同少少晕

起初就纯粹觉得天气热，就冇理喇~~
同样嘅嘢连续整个星期就好似唔妥喇！！

心捻。。唔系血压高下嘛~~！果断时间我都几夜瞓＋

哗！拉拉淋早啲瞓先~~

之后就开始嗜睡，有时响下午3点煲完汤

就瞓到老公返先弹起身煮晚餐😰😰

(前段时期都系未见作呕咯)

5月头时，直到我俩讨论紧嘢时，

我老公突然问我，4月嘅经期好似没嚟~~
Ding一声~系喔，咁就等多14日唔见姨妈到再打算啦

我俩の台湾🐖 - 倒数的70日

目前埋入孕期的第30周
呢2日BB好好动，个肚不停波浪式咁滚动。
每次激烈的喐动完，我就肯定肚饿😓😭

其实孕期里除咗生嘢唔食外，

基本我都冇乜话点戒口又话者“乜乜”唔食得咁噶

反而我老公就比较紧张点，

话晒等咗咁多年，又系第一胎~~

有咁的反应系好理解呷

我自己呢方面就比较照顾，

食甜或者糖分高的食物咯。

话晒都系高龄产妇，血糖方面要好好照顾下。

幸好响28周的产检结果都维持到，

挨过做产检的2次饮糖水测试。

讲到饮糖水呢家嘢，真系好多孕妇嘅噩梦~~！！
呐！点都好，唔好呕吖~！！
一呕就从新再饮番杯噶。

咁响 HB 血红蛋白浓度呢方面，

我就保持到好靓，每次都过11点+

大致上我都ok,只不过就系高龄啫

中药方面我就饮普通饮润的汤水，

药材补身的，我暂时都冇点做

开头觉得惊补到个胎大啦~~
之后产检都冇乜问题就唔需要咯
等生完之后，好好咁补番个身子。

虽然系冇饮药材中药之类啫，

咁汤水呢方面，我都唔懒架

我羊水好足架 💪💪💪

日子慢慢接近

宜家捻咁多都系白烦

见步行步呗

朋友话斋，

个天俾得你就有本事俾你搞掂。

由知道怀孕一刻到宜家
我老公就一手包办我应要嘅营养品

佢帮我地准备嘅有：

- USANA - 钙片+鱼油

- Kinohimitsu Superfood Supreme 

我俩の台湾🐖 - 倒数的95日

BB最近都很努力咁提醒我他的存在。
时时要小心，行路同动作都要慢落来。

日子越来越接近啦~~

要准备地嘢，除咗大件的物品。。

其他嘅衫裤手套脚套都7788啦。。
衫仔系咁意思意思买套新嘅，

其他的都系朋友准备的。

因为都话著唔到半年就著唔落嘎啦~~

SO 都系咪买衫住，但系拿都返嚟一袋一袋都唔少噶。

宜家都要安排我自己产后地嘢

都系嘀药材，月子期间的食品。

朋友果边就酿酒俾我💝

周末果日就学习咗，

点用PUMP奶机，点收同处理嘀SPARE PARTS

真系感谢佢嘅无私同细心噶教导{感动}😭😭

我俩の台湾🐖 - 倒数的100日

今日已经系步入第180日的”2人世界“。
可以讲一路来真系得来不易。
捻起初时过程与种种，咁快就要过完妊娠嘅中期啦~~

点解会BB会称为‘台湾猪’？

呢个昵称就要讲翻初期时，我俩都唔知BB驾到~ 

而我地正在进行紧全国嘅管制令。

当时嘅我每日除了Work at Home之外，就是感到非常疲累咁不停咁瞓。

我老公一放工返来就见我瞓到冇日冇夜咁，就话我系台湾猪。

咁知道系个细嘅作怪，当然系将个可爱嘅昵称还俾BB啦。。。

【台湾猪系我俩的简短讲法, 源自台湾赛神猪】

由初期至今，我都未曾停过每晚都会半夜醒来的节奏。

最近嘅系我老公负责主唱的部分，而BB就负责伴舞~~

两个夜夜笙歌，乐悠悠；我就负责眼光光

点到好，

最重要当然系要佢健健康康就好。

慢慢开始逐滴准备BB的嘢啦~

我俩期待你的到来，唔使急住报到嘎👫